"Нийслэлийн Татварын газар нь Монгол Улсын Засгийн газар болон Нийслэлийн засаг даргын үйл ажиллагааны мөрийн хөтөлбөр, Татварын ерөнхий газраас дэвшүүлсэн зорилт, Нийслэлийн татварын газраас дэвшүүлсэн зорилтуудыг хэрэгжүүлэх ажлын хүрээнд, татварын хуулиудыг сурталчлах, татвар төлөгчдөд ил тод нээлттэй, хөнгөн шуурхай чирэгдэлгүй үйлчлэх, татвар хураалтын түвшинг дээшлүүлж, татварын өр барагдуулалтыг эрчимжүүлэх, татварын хууль тогтоомжийн хэрэгжилтэд тавих хяналтыг үр нөлөөтэй болгох, Төрийн албаны тухай хуулийг хэрэгжүүлэх ажлыг нийслэлийн хэмжээнд үр ашигтай, оновчтой зохион байгуулахад үйл ажиллагаагаа чиглүүлэн ажиллаж байна.
Татварын ерөнхий газрын даргын 2019 оны 10 дугаар сарын 29-ны өдрийн А/191 дугаар тушаалаар Монголын татварын албаны бэлгэ тэмдгийн эх загварыг батлав.
Татварын ерөнхий газрын даргын 2019 оны 10 дугаар сарын 29-ны өдрийн А/191 дугаар тушаалаар Монголын татварын албаны бэлгэ тэмдгийн эх загварыг батлав.
Бэлгэ тэмдэг нь тариан түрүүн дээр суурилсан “Монголын татварын алба”, “Mongolian tax administration” гэх бичээс бүхий дугуй дотор “МТА” үсэг, нар, сар, галын дөлийг адил талт гурвалжин хэлбэртэй, шаргал өнгийн суурьтай, цэнхэр өнгийн дүрслэл бичвэртэй.
Бэлгэ тэмдгийн гал, нар, сарны дүрс нь Монгол Улсын үүрд мандан бадрахыг, хоёр тариан түрүү нь төрийн хууль дор татвар төлөгч, татварын алба нь харилцан тэгш эрхтэйгээр хамтран улсын сан хөмрөг, төсвийг арвин байлгаж өсөн нэмэгдүүлэхийг, дугуй дүрс нь зоос мөнгө, төсвийн орлого бүрдүүлэлтийг, гурвалжин хэлбэр нь хууль тогтоомжийг хэрэгжүүлэх, хариуцлага хүлээх санааг, цэнхэр өнгө нь татварын алба, татвар төлөгчийн итгэлцэл, үнэнч байдлыг, шаргал өнгө нь амжилт, аз жаргал, найрсаг дотно байдлыг илэрхийлнэ.